INSTAT, në ditën Ndërkombëtare për Zhdukjen e Varfërise bën publike disa të dhëna mbi varfërinë në vendin tonë.
Në vitin 2005, 18.5 % e popullsisë është e varfër, krahasur me 25.4 % që ishte në vitin 2002.Rreth 235,000 banorë nga rreth 800,000 të varfër që ishin në 2002 e kanë kaluar pragun e varfërisë.
Varfëria më së shumti mbetet një fenomen rural. Pothuajse 3/4 e të varfërve vazhdojnë të jetojnë në zonat rurale. Edhe pse përqindja e të varfërve, në zonat rurale ështe ulur në 24.2 krahasur me 29.6 % që ishte në vitin 2002, kjo ulje është e vogël krahasur me uljen në zonën urbane ku varfëria ka rënë në 11.2 %, nga 19.5 %. Nga pikëpamja gjeografike varfëria është më e lartë në zonat malore, ashtu si dhe në vitin 2002. 25.6 % e popullsisë në këto zona vazhdon të mbetet e varfër krahasuar me 44.5 % që ishte në vitin 2002, por diferenca ndërmjet zonës malore dhe pjesës tjeter të vendit është ulur ndjeshëm. Në Zonën Bregdetare varfëria ka rënë në 16.2 % në vitin 2005 krahasuar me 20.6 % në vitin 2002. Në Zonën Qëndrore ajo ka rënë në 21.2 % nga 25.6 %, dhe në Tiranë në 8.1% nga 17.8 % në vitin 2002.
Kush janë më të varfërit në Shqipëri?
§ Familjet e mëdha dhe familjet e reja me fëmijë të vegjël
§ Familjet me kryefamiljar të papunë
§ Banorët e Zonave Rurale
§ Banorët e Zonave Malore
